April 2026

அதிதேவ் அடுத்த நாள் காலையில் எழுந்தவன் தலையைப் பிடித்துக் கொண்டு அமர்ந்தான்.அவனுக்கு நேற்று நடந்தது ஞாபகம் வந்தது. “டேய் எந்திரிச்சிட்டியா?” என்று கேட்டுக் கொண்டே விஷ்ணு உள்ளே வந்தான். அவன் தலையைப் பிடித்துக் கொண்டிருப்பதை பார்த்து “ஏன்டா தலை வலிக்குதா?” என்று கேட்டான். “அதெல்லாம் ஒன்னும் இல்ல மச்சான்“ “டேய் மச்சி நீ ரெஸ்ட் எடு. நான் ஆஃபிஸ பாத்துக்கறேன்“ “இல்லடா.நிறைய ஒர்க் இருக்கு” என்றவன் எழுந்து கிளம்பத் தயாரானான். ‘அதான,சார் நாம சொல்றது கேட்டுட்டாலும்‘ என்று பெருமூச்சுடன் அறையை விட்டு வெளியேறினான். அதிதேவ்–ஆறடி உயரம்,கூர்மையான கண்கள்,வலிமையான தோள்கள்,அலை அலையான கேசம்,அதிகமாக பேசாத அவனது குணம் அனைவரையும் எட்ட நிற்க வைக்கும். விஷ்ணுவும்,அதிதேவும் நண்பர்கள்.ஒரு முறை ஆதி பத்தாம் வகுப்பு படிக்கும்போது ஆதியுடைய அப்பாவின் எதிரிகள் அவனை கடத்த முயற்சி செய்தார்கள்.ஆதி அவர்களிடம் போராடும் போது அவனை விஷ்ணு அவர்களிடமிருந்து காப்பாற்றினான்.அப்போதிருந்து இருவரும் உயிருக்குயிரான நண்பர்களானார்கள். விஷ்ணு அனாதை ஆசிரமத்தில் வளர்ந்தவன்.ஆதி அவனைப் பற்றிய விவரங்களை கேட்டுக் கொண்டவன் தன் அப்பாவிடம் சொல்லி அவனை தன்னுடனே தங்க வைத்தான்.முதலில் தயங்கிய விஷ்ணு பின் ஆதியின் பிடிவாதத்தில் அவனுடனே இருந்தான். ஆதியுடைய அப்பா ஜெயதேவ் எப்போதும் பிஸினஸ் என்று உலகைச் சுற்றி கொண்டிருப்பவர்.அவருக்கு மகனின் மேல் பாசம் அதிகம்.எப்போது ஊரிலிருந்து வந்தாலும் அவனுடன் நேரத்தைச் செலவழிப்பார்.ஆனால் ஆதியுடைய அம்மாவுக்கு பணம் ஒன்றே குறிக்கோளாக இருந்தது. இதனால் தனிமையில் இருந்தவன் விஷ்ணுவைப் பார்த்ததும் தன்னுடனே இருக்கும்படி வைத்துக் கொண்டான். ஆதி வெளியே வந்ததும் விஷ்ணுவும்,ஆதியும் சாப்பிட்டு விட்டு அலுவலகம் கிளம்பினார்கள். கார் அந்த பிரம்மாண்ட கட்டிடத்தின் முன் நின்றது. வாட்ச்மேன் பணிவுடன் வந்து  கார்க் கதவை திறந்தான். விஷ்ணுவுடன் பேசிக் கொண்டே அலுவலகத்துக்குள் நுழைந்தான். தேவ் இண்டஸ்ட்ரீஸ். அவனது பிஸினஸ் சாம்ராஜ்யம். கட்டிடக் கலையில் தொடங்கி சாப்ட்வேர் வரை பல தொழில்கள் அவன் மேற்பார்வையில் உள்ளன. “ஆதி,இன்னைக்கு நியூ கேண்டிடேட்ஸ் ஜாயின்ட் பண்ண வராங்கடா“ “ஓகேடா. அவங்க வந்தா கொஞ்ச நேரம் வெயிட் பண்ணட்டும். தென் வீ வில் கால்.ஓகே?” “ஓகேடா” என்று கூறி விட்டு விஷ்ணு தன் கேபினிற்கு சென்றான். இங்கு யாழினியும், மித்ராவும் மித்துவின் ஸ்கூட்டியில் கிளம்பினார்கள். பிரமாண்டமான தேவ் இன்டஸ்ட்ரீஸ் கட்டடத்தைப் பார்த்து வாயை பிளந்தபடி நின்றாள். “ஏய் லூசு ஏன்டி இப்டி பாத்து தொலைக்கற?” என்று மித்ராவை யாழினி திட்டினாள். “இல்லடி. பில்டிங் பாத்தாவே மலப்பா இருக்கு” என்று கூறினாள். “கம்முனு வா” என்று அவளுடன் சென்றாள். அவர்கள் உள்ளே வந்த போது ரிஷப்சனில் இருந்த பெண்ணிடம் விசாரித்து விட்டு உள்ளே சென்றார்கள். “என்னடி வந்து எவ்ளோ நேரம் ஆச்சு. இன்னும் கூப்டல?” “பாக்கலாம். இரு” என்று யாழினி கூறினாள். இந்நிலையில் விஷ்ணு அவன் ரூமிலிருந்து வெளியே வந்தான். “ஏய் இந்த பக்கி எங்க இங்க வந்தான்?” என்று மித்ரா விஷ்ணுவைப் பார்த்து கூறினாள். “யார்டி?” “அதான்டி அந்த வொயிட் சர்ட்.. மாடல் மாதிரி இருக்கானே?” “ஏன்டி எங்க போனாலும் சைட் அடிக்கறத மட்டும் விடாதிங்கடீ“ “இல்லடி.அவன நேத்து பார்ட்டியிலே பார்த்தோம்டி“ அப்படியா என்பது போல மித்ராவை ஒரு பார்வை பார்த்தாள். “ஆமா. நீ ஒருத்தன் கூட சண்ட போட்டுட்டு இருந்தியே. அவன் கூட இவன் இருந்தான்” என்று விவரம் சொன்னாள். மித்ரா அவனைப் பற்றிச் சொல்லிக் கொண்டிருக்கும் போது யாழினி அவனைக் கூப்பிட்டாள். “எதுக்கு அவன கூப்பிடற?” என்று மித்ரா கேட்டாள். “எவ்ளோ நேரம் தான் வெயிட் பண்றது. டைம் பாஸ் ஆக வேண்டாமா?” என்று யாழினி சொன்னாள். “ஏய்.. அடங்கவே மாட்டாயாடி” என்று மித்ரா அடிக்குரலில் கேட்டாள். “ஹேய் மிஸ்டர் இங்க வா“ […]

நகரத்தின் மையப் பகுதி.நேரம் நள்ளிரவை நெருங்கிக் கொண்டிருந்தது.நகரம் முழுவதும் நிசப்தமாக இருக்க அந்த இடம் பரபரப்பாக இயங்கிக் கொண்டிருந்தது. அது ஒரு உயர் தரமான கேளிக்கை விடுதி.வாயிலின் முகப்பில் பாதுகாவலர்கள் கண்காணித்துக் கொண்டு இருந்தனர். உள்ளே வண்ணமயமாக காட்சியளித்தது.ஆண்களும்,பெண்களும் இளமை பொங்க இசைக்கேற்ப ஆடிக் கொண்டிருந்தனர். சற்று தள்ளி நான்கு நண்பர்கள் பேசிக் கொண்டிருந்தனர்.அவர்களின் கையில் மது பானம் இருந்தது. அவன் மதுவை வேகமாக குடித்துக் கொண்டிருந்தான். “டேய் என்னடா ஆச்சு அவனுக்கு?.ஏன் இப்டி குடிக்கிறான்?” “நானும் வந்ததுல இருந்தது கேக்கறேன்.எதுக்கும் பதில் சொல்ல மாட்டேங்கறடா மச்சி“ “பாஸு அவன பத்தி தெரியாதா?.அவன் சொல்லணும்னு நினச்ச தான சொல்வான்?” என்றவன் “மச்சான் என்னடா?” என்று ஆதியைப் பார்த்து கேட்டான். அவர்களை முறைத்தவன் கண்களில் ஒரு உருவம் வந்தது.அதை நினைத்தவன் கண்களில் ரௌத்ரம் தோன்றியது. அவனது விழியைப் பார்த்தவர்கள் அதிர்ந்து போனார்கள்.மேற்கொண்டு கேட்க முடியாமல் திணறினார்கள். இந்நிலையில் அங்கு திடீரென்று நிசப்தம் குடி கொண்டது.ஒரு பெண் ஒருவனை அடித்துக் கொண்டிருந்தாள்.அவளை பார்த்ததவன் விறு விறுவென்று அங்கே போனான்.அவன் நண்பர்கள் அவனை பார்த்து திகைத்தார்கள். முதலில் சுதாரித்த விஷ்ணு அவன் பின்னே ஓடினான். அங்கே போன ஆதி நேராக சென்று அவள் கையை முறுக்கினான்.அதில் ஒரு நிமிடம் திகைத்தவள் திரும்பி அவனை பார்வையால் எரித்தாள். “டேய் கைய விடுடா” என்று அவனிடம் கத்தினாள். “எதுக்குடி அவன அடிச்ச?” “ஹலோ மைன்ட் யுவர் வேர்ட்ஸ்“ “ஏய் பதில சொல்லுடி” என்று அவன் கத்தினான். இவர்கள் சண்டையை மற்றவர்கள் அமைதியாக பார்த்துக் கொண்டிருந்தார்கள். ஆதியுடைய நண்பர்கள் அவனை சமாதானப்படுத்த முயற்சித்த போது அவர்களை பார்வையாலே எட்ட நிறுத்தினான். அந்த நிமிடத்தில் அவள் நச்சென்று அவன் கால்களை மிதித்தாள்.அதில் துள்ளிக் கொண்டு அவள் கைகளை விட்டான். “ஏய்” என்று கத்தியவன் அவள் கண்களில் தெரிந்த தீட்சண்யத்தில் திகைத்து நின்றான். மேனேஜர் அவள் அடித்ததை பார்த்து சமாதானம் செய்ய வந்தவன் ஆதியுடன் நடந்த சண்டையைப் பார்த்து வாயடைத்து நின்றான். “என்ன?” என்பது போல ஆதியைப் பார்த்து ஒற்றைப் புருவம் உயர்த்தினாள். “ஹு ஆர் யூ மேன்?.இங்க என்ன நடந்ததுனு தெரியுமா?” “இதுக்கு ஆராய்ச்சி வேற பண்ணணுமா?.நீ இப்டி அரை குறையா ஆடிட்டு இருந்தா எவனா இருந்தாலும் இப்டி தான் பிஹேவ் பண்ணுவான்?” என்று ஆதி கூறினான். “ஃபர்ஸ்ட் நீங்க ஒழுங்கா இருங்கடி.அப்றம் மத்தவங்கள அடிக்கலாம்” என்று ஆத்திரத்துடன் கூறினான். ‘இன்னைக்கு இவனுக்கு என்ன ஆச்சு?’ என்று அவன் நண்பர்கள் திகைத்தார்கள். அதைக் கேட்டு அவள் ஆத்திரத்துடன் அவனை அறைய வந்தாள்.அவளுடைய தோழிகள் அவளை பிடித்து இழுத்துக் கொண்டு சென்றனர். “போடி” என்று ஆத்திரத்துடன் அவன் டேபிளை உதைத்தான்.அவனது நண்பர்கள் அவனை டேபிளுக்கு இழுத்துக் கொண்டு சென்றார்கள். அமர்ந்தவன் அங்கிருந்த முழு பாட்டிலை எடுத்து கவிழ்த்தான். “டேய் ஓவராயிடுச்சு.கிளம்பலாம் வாடா” என்று அவனை கூட்டிக் கொண்டு கிளம்பினார்கள்.                              ******* “ஏய் எதுக்குடி என்ன கூட்டிட்டு வந்தீங்க?.அவன் என்ன பேச்சு பேசறான்?.அவன சும்மா விட சொல்றியா?” என்று அவள் தோழிகளிடம் சண்டையிட்டாள். “அம்மா பரதேவதையே,இதுக்கே ஆன்டி என்ன சொல்வாங்களோனு பயந்திட்டு இருக்கேன்.உனக்கு அவன் கூட சண்ட போடலனு தான் கவலையா இருக்கு” என்று மித்ரா சொன்னாள். “ஏய் அவன் எவ்ளோ ஹேன்ட்சமா இருந்தான் இல்லடி” என்று பார்கவி சொன்னாள். “அடிங்..ஏன்டி இங்க என்ன பிரச்சனை போய்ட்டிருக்கு?.அவன நீ சைட் அடிச்சிட்டு இருந்தியா?” என்று அவளை மொத்தினாள்.அவளது செயலில் பார்கவி அமைதியானாள். அவளை முறைத்தவள் “அதெல்லாம் மாலுவ எப்டி கரெக்ட் பண்றதுனு தெரியும்.நீ வா” என்று தோழிகளுடன் சென்றாள். தனது பைக்கில் சென்றவள் வீட்டுக்கு அருகில் வந்தவுடன் பைக்கை ஆஃப் செய்து தள்ளிக் கொண்டு வந்தாள். வீட்டினுள் வண்டியை நிறுத்தியவள் சத்தமில்லாமல் பூட்டை திறந்தாள்.